O AMI quere con esta Escola achegar aos máis novos á práctica das distintas modalidades dos deportes de montaña, de forma segura, respectando o medio ambiente, divertíndose escalando e coñecendo a montaña. Crear unha canteira de montañeiros e escaladores.

Desde nenos sempre nos gustou rubir, subirnos aos sitios e ver o que hai máis aló, como algo natural. Innegablemente os deportes de montaña proporciónannos todas esas experiencias, sendo moi enriquecedores para os nenos e adolescentes.

Os valores educativos que teñen estas actividades desenvolven calidades cognitivas, motrices, sociais e afectivas. E axudasen a realizar unha actividade sa e saudable que lles poderá acompañar toda a vida, achegándoos ao medio natural para aprender a gozalo e coidalo.

Debido a requirimentos organizativos así como a formación técnica que requiren estas actividades, dificulta a súa iniciación. Desde o AMI exponse unha proposta para achegar os deportes de montaña á poboación escolar e propón unha campaña de divulgación destes deportes nos centros educativos. Tamén propoñemos saídas ao medio natural, con roteiros de sendeirismo, onde se poden realizar actividades interdisciplinares.